Քայլի Ջեները բաժանվել է ռեփեր Tyga-ից
10:12 4 ապրիլի, 2017Նորից... Քայլի Ջեները բաժանվել է ընկերոջից՝ ռեփեր Tyga-ից: Այս մասին գրում է People-ը՝ հավելելով, որ նրանք, հավանաբար, նորից կմիանան:
Հայտնի չէ, թե ինչ է տեղի ունեցել այս անգամ, բայց Քիմ Քարդաշյանի քույրը նորից որոշել է դադար վերցնել:
Վերջին անգամ Քայլիին եւ ռեփերին միասին նկատել են մարտի կեսերին, երբ Քայլին, ի դեպ, Chloé-ի 600 դոլար արժողությամբ կոշիկով էր ներկայացել հանրությանը:
«Նրանք երբեմն փոքրիկ ընդմիջում են անում, իսկ հետո նորից միանում են: Այնպես որ, եթե նրանց մեկ շաբաթ անց միասին տեսնեք, մի զարմացեք»,- նշել է զույգի ընկերներից մեկը:
19-ամյա Քայլին եւ Tyga-ն հանդիպում են 2014 թվականից:
2015-ի նոյեմբերին նրանք, կարծես, վիճեցին եւ բաժանվեցին, իսկ հետո միացան: 2016 թվականին Քայլին նորից հեռացավ ռեփերից, իսկ երկու շաբաթ անց զույգը նորից միացավ: Դե, ինչպես ընդունված է Քարդաշյանների մոտ...