«Եվրատեսիլ-2017» մրցույթի հայաստանյան պատվիրակ Արծվիկի «մարտահրավերը» հասավ Բելառուս: Նրանց պատասխանը չուշացավ: Այս տարի մրցույթում Բելառուսը ներկայացնող Naviband-ը փոքրիկ հատված է կատարել «Մաշինեն եկավ» երգից:
Հիշեցնենք, որ հայ Արծվիկի նախորդ մարտահրավերներն ուղղված էին Գերմանիայի ներկայացուցիչ Լեւինային, Կիպրոսի հայազգի ներկայացուցիչ Հովիգին եւ Վրաստանի ներկայացուցիչ Տակո Գաչեչիլաձենին:
«Եվրատեսիլ-2017» մրցույթում Հայաստանը ներկայացնող Արծվիկը յուրահատուկ ֆլեշմոբ է սկսել։ Facebook-իր իր պաշտոնական էջում երգչուհին հոլովակ է հրապարակել եւ գրել.
«Սիրով հրավիրում եմ միասին տոնել բազմազանությունը՝ ցույց տալով, որ բազմազանությունը կարող է միավորել բոլորիս: Մարտահրավեր եմ նետում «Եվրատեսիլի» այս տարվա մասնակիցներին (և ոչ միայն) երգելու հայկական ազգային երգ: Սկսում եմ Գերմանիայի պատվիրակ Լեվինայից: Հուսով եմ՝ հավանել ես կատարումս․ ես ջանք չեմ խնայել այն առավելագույնս լավ ներկայացնելու համար»: