Թուփակ Շաքուրն ու Pearl Jam-ը ներառվել են ռոք-ն-ռոլի Փառքի սրահում

15:02   8 ապրիլի, 2017

Թուփակ Շաքուրը, Pearl Jam-ը, Electric Light Orchestra-ն, The Cars խումբը, ֆոլք երգչուհի Ջոան Բաեզը, Journey խումբն ու Նայլ Ռոջերսը ներառվել են ռոք-ն-ռոլի Փառքի սրահում։

Հանդիսավոր արարողությունը կայացել է Նյու Յորքի Barclays Center-ում։

Snoop Dogg-ը խոսել է Թուփակ Շաքուրի մասին ու երգել Ալիշա Քիզի, T.I-ի, YG-ի ու Treach-ի հետ։

Դեւիդ Լեթերմանը ներկայացրել է Pearl Jam-ին։

Արտիստները կարող են ռոք-ն-ռոլի Փառքի սրահում անդամության թեկնածու առաջադրվել իրենց առաջին ալբոմի թողարկումից 25 տարի անց:

«Ռոք-ն-ռոլի Փառքի սրահի» ֆոնդում ավելի քան 900 երաժիշտներ, պրոդյուսերներ, լրագրողներ եւ երաժշտական աշխարհի գործիչեր կան: Հենց նրանք են քվեարկում long-list-ում ներկայացված երաժիշտների օգտին:

Աղբյուր ու լուսանկարներ՝ Just Jared