#KeepThePromise հեշթեգն այս օրերին գերիշխում է սոցցանցերում: Հայոց Ցեղասպանության մասին՝ «Խոստումը» ֆիլմի համաշխարհային պրեմիերայից առաջ մի շարք աստղեր իրենց աջակցությունն են հայտնել դրա հանրայնացմանը:
Այսպես, ֆիլմը դիտելու եւ Ցեղասպանությունը դատապարտելու կոչով արդեն հանդես են եկել Էլթոն Ջոնը, Լեոնարդո Դի Կապրիոն, Սիլվեսթր Սթալոնեն, Բարբարա Սթրեյզանդը, Անդրե Աղասին: «Խոստումը» ֆիլմին իր աջակցությունն է հայտնել նաեւ դերասան Ռայան Գոսլինգը: Ճիշտ է, նա այդ համատեքստում դատապարտել է Կոնգոյում տեղի ունեցող իրադարձությունները, այնուամենայնիվ, չի մոռացել օգտագործել նաեւ #KeepThePromise (պահել խոստումը) հեշթեգը:
Ryan Gosling vows to #KeepThePromise to help support human rights in #Congo. Will you join him? #RDC @esrailian @thepromisefilm pic.twitter.com/pSDxHMfaIX
— Enough Project (@EnoughProject) April 11, 2017
Ամերիկացի ռեժիսոր, սցենարիստ Ջոն Փրենդեգաստն էլ նշել է. «Ես երբեք չեմ մոռանա նրանց, ովքեր կորցրեցին իրենց կյանքը Հայոց Ցեղասպանության եւ այլ ցեղասպանությունների ժամանակ»:
John Prendergast vows to #KeepThePromise to confront genocide wherever it occurs. What's your promise? @thepromisetoact @esrailian pic.twitter.com/nHQ7ukgpRA
— Enough Project (@EnoughProject) April 10, 2017
Հայտնի դերասան, սցենարիստ եւ ռեժիսոր Դոն Շիդլենը եւս իր աջակցությունն է հայտնել «Խոստումը» ֆիլմին՝ հրապարակելով հոլովակ:
@esrailian #KeepThePromise pic.twitter.com/h73VSHYB1d
— Don Cheadle (@DonCheadle) April 10, 2017
Ռեժիսոր Թերի Ջորջի Հայոց ցեղասպանության մասին պատմող «Խոստումը» ֆիլմն արդեն մի քանի ամիս է, ինչ ոչ միայն հայ, այլեւ համաշխարհային կինոսերների ուշադրության կենտրոնում է: Ֆիլմում նկարահանվել են Հոլիվուդյան աստղեր Օսկար Այզեքը, Քրիստիան Բեյլը, Շարլոտ Լե Բոնը, ինչպես նաեւ Հոլիվուդում հայտնի հայուհի Անժելա Սարաֆյանը: