Շուտով Կիեւում կմեկնարկի «Եվրատեսիլ 2017» երգի միջազգային մրցույթը: Հայաստանը ներկայացնելու է Արծվիկը՝ Fly with me երգով: Նա ելույթ կունենա մայիսի 9-ին՝ առաջին կիսաեզրափակիչում, իսկ եզրափակիչը կկայանա մայիսի 13-ին: «Украинские новости»-ի փոխանցմամբ՝ եզրափակիչի բոլոր տոմսերն արդեն վաճառված են:
Ներկայում կարելի է գնել միայն կիսաեզրափակիչների ուղիղ եթերի, ինչպես նաեւ դրանց փորձերի տոմսերը, բայց միայն ֆան-գոտում դիտելու համար:
Նշենք, որ ավելի վաղ հաղորդվել էր, որ Իտալիայի ներկայացուցիչ Ֆրանչեսկո Գաբանիի Occidentali’s Karma երգի հոլովակը «Եվրատեսիլ»-ի պատմության մեջ ամենաշատ դիտված տեսանյութն է դարձել: Հոլովակը Youtube-ում ավելի քան 88 մլն մարդ է դիտել: