Միլա Յովովիչի 9-ամյա դուստրը նկարահանվել է իտալական Vogue Bambini-ի համար
17:26 12 ապրիլի, 2017Միլա Յովովիչի իննամյա դուստրը՝ Էվերը, նկարահանվել է իտալական Vogue Bambini-ի համար։ Նրան ընկերակցել են Պատրիկ Դեմփսիի 10-ամյա երկվորյակները՝ Դարբին ու Սալիվանը։
Ֆոտոշարքի հեղինակն է հայտնի լուսանկարիչ եւ ռեժիսոր Էլեն Ֆոն Ունվերթը, ով ոգեշնչվել է սուպերհերոսներով, որոնց կերպարներում լուսանկարվել են փոքրիկ մոդելները։
Էվերը նկարահումների ընթացքում մի փոքրիկ հարցազրույց է տվել՝ պատմելով սիրելի սուպերհերոսների եւ ապագայի ծրագրերի մասին։
-Քո սիրելի հերոսնե՞րը։
-Մայրիկն ու հայրիկը։
-Ինչպիսի՞ գերբնական ունակություն կցանկանայիր ունենալ։
-Մտքի ուժով տեղաշարժել առարկաներն ու կարողանալ ճամփորդել ժամանակի մեջ։
-Ի՞նչ ես ցանկանում դառնալ, երբ մեծանաս։
-Ես ցանկանում եմ ավարտել քոլեջն ու մայրիկ դառնալ։
-Պատկերացրու, որ կախարդական փայտիկ ունես։ Ինչպիսի՞ ցանկություն կցանկանայիր իրականացնել։
-Որպեսզի ոչ մի երեխա չհիվանդանա ու մանկատանը չլինի։ Եւ որ յուրաքանչյուրն ունենա այնպիսի սիրող ծնողներ, ինչպիսին իմն են։