«Եվրատեսիլ-2017» մրցույթում Գերմանիան ներկայացնող Լեւինան ժամանել է Հայաստան: NEWS.am STYLE-ի թղթակցի հետ զրույցում Լեւինան ողջունել է իր հայ երկրպագուներին.
«Բարեւ, Հայաստան: Ես ձեզ սիրում եմ»,-նշել է երգչուհին:
Լեւինան Երեւան է ժամանել իր պաշտոնական պրոմո արշավի շրջանակներում: Այսօր երեկոյան նա հանդիպելու է իր երկրպագուների հետ:
Հիշեցնենք, որ ավելի վաղ Լեւինան ընդունել էր մրցույթում Հայաստանի պատվիրակ Արծվիկի՝ հայկական երգ կատարելու «մարտահրավերը»:
Երգչուհին Facebook-ի իր էջում հրապարակել էր «Կաքավիկ» հայտնի երգի cover տարբերակը, ինչպես նաեւ հայերենով բարեւել իր հետեւորդներին: