Մատնահարդարման ամենանորաձեւ միտումները. հայ մասնագետի խորհուրդները
18:02 13 ապրիլի, 2017Յուրաքանչյուր սեզոն ոճաբանները նոր թրենդներ են առաջ բերում ոչ միայն հագուստի եւ աքսեսուարների դեպքում, այլեւ դիմահարդարման, վարսահարդարման եւ մատնահարդարման մեջ: Հենց վերջինի մասին էլ այսօր կխոսենք: Elle ամսագրի ռուսաստանյան խմբագրությունը սեզոնի գլխավոր միտումները պարզելու նպատակով զրուցել է Krygina Studio-ի հայազգի մասնագետ Նաիրա Դավթյանի հետ: Վերջինս նշել է.
«2017 թվականին թրենդում առաջին հերթին երկրաչափական պատկերներով գունեղ մատնահարդարումն է: Սեզոնի ամենաարդիական գույներն են կարմիրը, կանաչը, ոսկեգույնը, արծաթագույնը, մանուշակագույնը, բորդոն, սեւը եւ զմրուխտի գույնը»:
Բայց սա չի նշանակում, թե նուդ ոճը մղվում է հետին պլան: Ըստ Նաիրա Դավթյանի՝ մարմնագույնի, կաթնագույնի երանգները շարունակում են մնալ թրենդում:
Շարունակում է նորաձեւ մնալ նաեւ ֆրանսիական մատնահարդարումը՝ ֆրենչը, որը կարելի է փոխարինել նաեւ, այսպես ասած, լուսնաձեւ մատնահարդարմամբ:
Սեզոնի եւս մեկ թրենդ՝ օմբեր մատնահարդարում:
