Երեկ Լոս Անջելեսում կայացել է Հայոց Ցեղասպանության մասին՝ «Խոստումը» ֆիլմի պրեմիերան, որին ներկա է եղել նաեւ ֆիլմի սաունդթրեքի հեղինակ Սերժ Թանկյանը: Երաժիշտը կարմիր գորգով անցել է կնոջ՝ գեղեցկուհի Անժելա Մադաթյանի հետ:
Վերջինիս մասին քիչ բան է հայտնի, քանի որ նա հարցազրույցներ չի տալիս, իսկ սոցցանցերում համեմատաբար փակ կյանք է վարում:
Սակայն NEWS.am STYLE-ին, այնուամենայնիվ, հաջողվել է համացանցում որոշ լուսանկարներ գտնել:
«Պեղումների» արդյունքում մենք պարզեցինք, որ Անժելայի քույրը՝ Դիանան, ամուսնացած է System of a Down խմբի թմբկահար Ջոն Դոլմայանի հետ:
Անժելա Մադաթյանը, Սերժ Թանկյանը եւ Ջոն Դոլմայանը
Դիանա եւ Անժելա Մադաթյանները
Բայց, ամեն ինչ հերթով:
Սերժ Թանկյանն ու վանաձորցի Անժելա Մադաթյանը նախքան ամուսնանալն ընկերություն են արել ավելի քան ութ տարի:
Զույգն ամուսնացել է 2012 թվականի հուլիսին՝ ԱՄՆ-ում:
Անժելան եւ Սերժը՝ իրենց հարսանիքի օրը
Դիանա եւ Անժելա Մադաթյանները
2014 թվականին ծնվեց նրանց առաջնեկը՝ Ռումին:
Անժելան որդու՝ Ռումիի հետ
Անժելայի քրոջ՝ Դիանայի մասին իսկապես քիչ բան է հայտնի հանրությանը: Եթե Անժելայի եւ Սերժի ամուսնության մասին մամուլը գրեց, ապա Ջոնի եւ Դիանայի միությունը չհանրայնացվեց:
Ջոն Դոլմայանը եւ Դիանա Մադաթյանը
Ինչեւէ, զույգն արդեն դուստր ունի:
Ի դեպ, Անժելան սոցցանցերից մեկում լուսանկար էր հրապարակել, որով հայտնել էր, որ իր ապուպապերը Արցախից են:
Լուսանկարները՝ Անժելա եւ Դիանա Մաթադյանների ֆեյսբուքյան էջերի