10-ամյա Կարինե Իգնատյանը դուրս մնաց «Голос Дети» նախագծի հետագա պայքարից
00:01 15 ապրիլի, 2017Ռուսական «Голос Дети» նախագծի շրջանակներում Դիմա Բիլանը շարունակում է փնտրել այն մասնակիցներին, որոնք իր հետ կշարունակեն պայքարը նախագծի հաջորդ փուլերի ընթացքում:
Րոպեներ առաջ պարզ դարձավ, որ 13-ամյա Արտյոմ Սեյրանյանն այլեւս չի շարունակի պայքարը Բիլանի թիմում:
Երգչի թիմում հաջորդ «մենամարտը» կայացավ Ելիզավետա Կաչուրակի, հայազգի Կարինե Իգնատյանի եւ Կայմակովա քույրերի միջեւ:
Աղջիկներից յուրաքանչյուրն էլ տպավորեց թե Դիմա Բիլանին, թե ժյուրիի մյուս անդամներին՝ Նյուշային եւ Վալերիյ Մելաձեին, սակայն հաջորդ փուլի ուղեգիրը միայն մեկին կարող էր բաժին հասնել: Իսկ այդ երջանիկը Ելիզավետա Կաչուրակն էր:
10-ամյա Կարինե Իգնատյանը չանցավ հաջորդ փուլ, սակայն ժպիտով հեռացավ բեմից.
«Ուզում եմ շնորհակալություն հայտնել բոլորին, ովքեր ինձ աջակցում էին. շնորհակալ եմ ժյուրիի բոլոր անդամներին, հատկապես Դիմա Բիլանին: Ինձ համար սա հրաշալի արկած էր»,-նշեց փոքրիկ հայուհին: