Հայտնիներ, որոնք «թաքցնում են» իրենց ամուսիններին

12:00   21 ապրիլի, 2017

Հայտնի մարդիկ շատ չեն սիրում խոսել իրենց անձնական կյանքի մասին՝ համարելով, որ մշտապես հանրության աչքի առաջ լինելով, իրենց ընտանեկան անդորրը կարող է խաթարվել։ Հայ հայտնիները բացառություն չեն։ Նրանք էլ են երբեմն գաղտնի ամուսնանում եւ «թաքցնում» իրենց սիրելիներին։

Այս հայտնիների սոցցանցերում չեք տեսնի նրանց ամուսինների լուսանկարները։

Լիլուն, իհարկե, սոցցանցերում հայտնեց իր ամուսնության մասին՝ հրապարակելով միայն մատանու նկարը։ Բայց դա միակ լուրն էր, որն ինչ-որ կերպ կապ ուներ նրա ամուսնու հետ։ Զույգն արդեն որդի ունի։

Սոնա Շահգելդյանը մշտապես հերքում էր թե սիրեցյալ ունենալու, թե հետագայում նրա հետ ամուսնանալու մասին լուրերը, մինչեւ այն պահը, երբ ծնվեց նրա որդին։ Երգչուհին դրանից հետո խոստովանեց, որ ամուսնացել է։ Իհարկե, նրա ամուսնուն որեւէ մեկը դեռ չի տեսել։

Երգիչ Սարոն նույնպես թաքցնում է կնոջը, այնպես, ինչպես թաքցրել է ամուսնությունը։

էմմին թեեւ հայտարարեց ամուսնանալու մասին, բայց միայն դրանից հետո։ Նա նույնպես նախընտրում է հեռու պահել ամուսնուն հանրային ուշադրությունից։ Զույգն արդեն երկու որդի ունի։

Թեեւ Արման Հովհաննիսյանի ամուսնությունը ոչ մեկի համար գաղտնիք չէր, ոչ էլ նրա կնոջ՝ ով լինելը, այնուամենայնիվ, հայտնի երգչին ու նրա կնոջը հազվադեպ կարելի է տեսնել միասին միոջցառումների ժամանակ։ Երգիչը զերծ է մնում նաեւ սոցցանցերում ընտանեկան լուսանկարներ հրապարակելուց։ Զույգը մեծացնում է դուստրերին։

Եվ, իհարկե, Քրիստինե Պեպելյանը, որը նույնպես ամուսնացավ լուռ ու գաղտնի։ Նա դեռ երեխա չի պարգեւել ամուսնուն։



© NEWS.am STYLE