Ձեռքերը պետք է մշտապես խնամված լինեն: Եթե անգամ երկար եղունգները վնասվել են, հոգ չէ, կան կարճ եղունգների համար մանիկյուրի տեսակներ, որոնք կզարդարեն ցանկացած կնոջ մատները:
Տպավորիչ մանիկյուրի համար եղունգների երկարությունն ամենեւին էլ կարեւոր չէ: Իսկ եթե հաշվի առնենք, որ բյութի ոլորտի հիմնական թրենդը բնականությունն է, ապա կարճ եղունգներն ամենապոպուլյարն են: 2017 թվականին եղունգի հիմնական ձեւերը բնականն ու նշաձեւն են:
Միատոն դիզայն
Պարզ ու ճաշակով: Հիմնական գաղտնիքն ամենանորաձեւ ու ամենահյութեղ գույնն ընտրելու մեջ է, որն էլ ուշադրություն է գրավելու:
Երկրաչափական պատկերներ
Երկրաչափական նախշերն ու պատկերները հեշտությամբ եղունգները արտ օբյեկտ կդարձնեն: Իսկ գույների ճիշտ համադրության դեպքում կարող են դառնալ ձեր արտաքին տեսքի վառ ակցենտներից մեկը:
Ոչ ստանդարտ ֆրենչ
Երբ դասականը հոգնեցրել է, եւ ինչ-որ նոր բան ես ուզում, ապա օգնության է գալիս կրեատիվը: Ֆրենչի մեջ անսպասելի համադրությունների օգտագործումը միայն կարող է թարմություն հաղորդել:
Լուսնաձեւ մանիկյուր
«Շրջված ֆրենչը» հարուստ է տարատեսակ գաղափարներով՝ ստանդարտ կիսալուսնից մինչեւ եռանկյունիներ՝ եղունգի հիմքի մոտ:
Մետալիկա
Թավշե ու փայլուն մետալիկան արդիական է թե միատոն օգտագործման, եւ թե այլ ոճերի համար: Օրինակ՝ ֆրենչի կամ երկրաչափական պատկերների համար:
Կետիկներ
Կետային մանիկյուրն օգտագործվում է հնարավոր բոլոր տարբերակներում: Այն թարմ ու աշխույժ տեսք է հաղորդում եւ շատ հարմար է գարուն-ամառ սեզոնի համար:
Ֆեն-շույ
Սա այն է, երբ ամեն մի եղունգն իր նշանակությունն ունի: Սովորաբար ընտրվում է մեկ եղունգ, բայց երբեմն յուրաքանչյուր եղունգն է իր յուրահատուկ տեսքն ունենում:
Օմբրե
Նորաձեւ երանգներով, փայլերով ու դեկորներով. այս ոճը մշտապես կզարդարի ձեր մատները: Օգտագործելով օմբրե՝ կարելի է ընտրել զգեստի ցանկացած կերպարին հարմար մանիկյուր:
Աղբյուրը՝ Liza.ua