Ապրիլի 21-ին տեղի է ունեցել Հայոց Ցեղասպանության մասին «Խոստումը» ֆիլմի համաշխարհային պրեմիերան: Հայաստանում ֆիլմը մեծ էկրաններ կբարձրանա ապրիլի 27-ից, իսկ մինչ այդ համաշխարհային աստղերը շարունակում են իրենց աջակցությունը հայտնել ֆիլմի գովազդարշավին: Այս անգամ երդում է տվել Ջորջ Քլունին: Դերասանը տեսաուղերձ է ձայնագրել, որում ասված է.
«Մեզանից յուրաքանչյուրը պետք է երդվի՝ պահել խոստումը՝ Ցեղասպանության դեմ պայքարելու, որտեղ էլ որ լինի»:
Հիշեցնենք, որ ավելի վաղ ֆիլմին իր աջակցությունն էին հայտնել Ջեյ Լոն եւ Հայդի Քլումը, ինչպես նաեւ՝ Էլթոն Ջոնը, Լեոնարդո Դի Կապրիոն, Սիլվեսթր Սթալոնեն, Բարբարա Սթրեյզանդը, Անդրե Աղասին, Ռայան Գոսլինգը, Թայրա Բենքսը, Քիմ Քարդաշյանը, Շերը: