Գարիկ Մարտիրոսյանը վերջերս շատ ակտիվ է համացանցում: Թեեւ նա չի սիրում սոցցանցերը, այնուամենայնիվ, սկսել է ավելի հաճախ գրառումներ կատարել: Այսպես, իր Instagram-ում Գարիկը հրապարակել է հումորիստներ Հայկոյի եւ Մկոյի լուսանկարը:
«Հայկո եւ Մկո... Մենք դիտում էինք հայկական հումորային սքետչերը 2000-ականների սկզբին: Պարզապես հիստերիկա էր...))))))))», - լուսանկարը մեկնաբանել է Գարիկը:
Հիշեցնենք, որ «Прожекторперисхилтон»-ի հերթական թողարկման ժամանակ Գարիկ Մարտիրոսյանը, Իվան Ուրգանտը, Ալեքսանդր Ցեկալոն եւ Սերգեյ Սվետլյակովը, ինչպես միշտ, հեռուտադիտողին հրամցրեցին հումորի հերթական չափաբաժինը:
Հումորիստներն այս անգամ քննարկել են ՌԴ նախագահ Վլադիմիր Պուտինի այցը Նովգորոդ, ծաղրել ռուբլու «ամրությունը», ինչպես նաեւ՝ Ռուսասատնում իրենց հանգիստն անցկացնող ընտանիքների ֆինանսավորման ծրագիրը: