Այսօր՝ ապրիլի 30-ին, աշխարհը տոնում է ջազի միջազգային օրը: Երաժշտական այս ժանրը ձեւավորվել է 9-րդ դարի վերջում՝ Նոր Օրլեանում: 1920-ական թվականներն անվանում էին ջազային դարաշրջան: Այս ժանրը ստեղծվել է աֆրոամերիկացիների կողմից, այդ պատճառով էլ այն իր մեջ պարունակում է աֆրիկյան մշակույթի էլեմենտներ:
Այսօր երաժշտության այս տեսակը զարգացած է աշխարհի գրեթե բոլոր երկրներում: Տարիների ընթացքում ի հայտ են եկել ջազային նոր ժանրեր, ստեղծվել են նոր ոճեր՝ բլյուզ, ջազ-ռոք եւ այլն:
Այս ժանրի ամենահայտնի կատարողներից են Լուի Արմսթրոնգը, Նինա Սիմոնեն, Ֆրենկ Սինատրան, Էլլա Ֆիջերալդը, Էմի Ուայնհաուսը եւ այլք:
Ջազը սիրված ժանր է նաեւ երեւանցիների համար: Հայաստանում ջազ սկսել են կատարել 1920-ական թվականներից։ Հայկական ջազի ճանաչված ներկայացուցիչներն են Մարտին Վարդազարյանը, Լեւոն Մալխասյանը, Վահագն Հայրապետյանը, Արմեն Թութունջյանը, Արտո Թունջբոյաջյանը եւ այլք:
NEWS.am STYLE-ն առաջարկում է կիրակին անցկացնել ջազային տրամադրությամբ: Ձեր ուշադրությանն ենք ներկայացնում համաշխարհային ճանաչում ունեցող 7 ջազային ստեղծագործություն, որոնք սիրված են գրեթե բոլորի կողմից:
Լուի Արմսթրոնգ- What a Wonderful World
Էմի Ուայնհաուս-You Know I'm No Good
Նինա Սիմոնե-Feeling Good
Ֆրենկ Սինատրա-Fly Me to The Moon
Մայքլ Բուբլե-Cry Me A River
Էլլա Ֆիջերալդ-Summertime
Էրիկ Կլեպտոն-Autumn Leaves