Կինը մեկ տարի կրել է նշանադրության մատանին՝ չիմանալով այդ մասին
15:06 12 մայիսի, 2017Ավստրալիայից Թերին եւ Աննան կարող են ճանաչվել ամենառոմանտիկ զույգը, քանի որ նրանց նշանադրության պատմությունը հուզել է շատերին։
Բանն այն է, որ Աննան մեկ տարի շարունակ կրել է նշանադրության մատանին՝ չիմանալով այդ մասին։ Թերին նրան փայտյա վզնոց է նվիրել, որում թաքցրել է մատանին։ Տղայի խոսքով՝ Աննան երբեք չի հանել այն իր պարանոցից։
Երբ ամուսնության առաջարկություն անելու պահը հասունացել է, Թերին խնդրել է Աննային իրեն տալ վզնոցը՝ նկարելու պատրվակով, ապա բացել է այն եւ դուրս բերել նշանադրության մատանին։
Աննան, իհարկե, ասել է «այո»:
Աղբյուրը՝ Cosmo