Դե, էլ ո՞վ կասի, որ գիտության մեջ մխրճված աղջիկներն իրենցից բան չեն ներկայացնում: 25-ամյա աֆրոամերիկացի Կառա ՄակՔուլոքսը դարձել է նոր «Միսս ԱՄՆ-2017»-ը:
Այս տարի Լաս Վեգասի Mandalay Bay Convention Center-ում անցկացված գեղեցկության հեղինակավոր մրցանակաբաշխության հաղթողն է դարձել Վաշինգտոնի շրջանի ներկայացուցիչը (ի դեպ, անցյալ տարի եւս ԱՄՆ-ի տարվա գեղեցկուհին այս շրջանի ներկայացուցիչն էր):
Կառայի մասին հայտնի է, որ նա միջուկագետ ֆիզիկոս է, չի սիրում, երբ իրեն ֆեմինիստ են անվանում, ինչպես նաեւ պայքարում է առողջ կենսակերպի համար:
Կառան ծնվել է Նեապոլում, բայց մեծացել է Վիրջինիայում, ավարտել է Հարավային Կարոլինայի համալսարանը:
Երկրորդ տեղին է արժանացել Նյու Ջերսիից Չավի Վերգը, երրորդ՝ Մինեսոտայինց Մերիդիթ Գոուլդը:
Նշենք, որ մրցանակաբաշխության հաղթողն ԱՄՆ-ն կներկայացնի «Միսս Տիեզերք» մրցույթում:
Աղբյուրը՝ Daily Mail
Լուսանկարները՝ AP-ի, Reuters-ի