Հոլիվուդյան հայտնի դերասան, ամենահմայիչ Ջեյմս Բոնդ Փիրս Բրոսնանն այսօր նշում է ծննդյան տարեդարձը: Դերասանը դարձավ 64 տարեկան:
Ջեյմս Բոնդի կերպարը մի շարք դերասաններ են մարմնավորել, սակայն չի կարելի ժխտել, որ շատերի մոտ այն մինչ օրս ասոցացվում է Փիրս Բրոսնանի հետ:
Բրոսնանը նկարահանվել է նաեւ «Ոսկե աչքը», «Մեռնել, բայց ոչ հիմա», «Միսիս Դաուտֆայեր», «Ուրվականը», «Մարսը գրոհում է», «Հիշիր ինձ» եւ այլ սիրված ֆիլմերում:
Ահա, թե ինչ է կարծում հավերժ երիտասարդ եւ հմայիչ դերասանը կյանքի, կանանց եւ Ջեյմս Բոնդի մասին.
«Կարծում եմ` մարդը միշտ ձգտում է լավագույնին. որքան քիչ բան է ունենում, այնքան ձգտում է ավելի բարձրանալ»:
«Կյանքում ոչ-ոք չի կարող խուսափել ցավից»:
«Ես հասկացել եմ, թե որքան արժեքավոր է կյանքը, երբ տեսել եմ, թե ինչպես այն կարող են մեկից խլել»:
«Ես կարծում եմ` տղամարդու կողքին պետք է ուժեղ կին լինի»:
«Ջեյմս Բոնդն այն կերպարներից է, որին կարող է նմանվել ցանկացած տղամարդ»:
«Հնդկական կինոարտադրությունն իսկապես ժամանցային է: Ինձ շատ են դուր գալիս այնտեղ ներառված երգերն ու պարերը»:
«Ես սիրում եմ հագնվել տվյալ սեզոնին համապատասխան: Ցանկացած եղանակ ունի իր հմայքը»:
«Եսասիրությունը կարող է մարդուն թակարդը գցել`շեղելով ճիշտ ճանապարհից»:
«Ես ոչ մի պլաստիկ վիրահատության չեմ դիմել: Նույնիսկ մազերս չեմ ներկել»:
«Ըստ իս` կանայք հատկապես գեղեցկանում են 35-ից հետո, երբ նրանց արտաքին գրավչությանը գումարվում է նաեւ ինտելեկտը»:
«Ցանկացած մարդ ցանկանում է վստահել իր առաջնորդին, հավատալ նրա խոսքերին ու համոզված լինել նրա ազնվության մեջ»: