Մայրանալ պատրաստվող Սուսաննա Պետրոսյանը ներկայացրել է իր նոր երգի տեսահոլովակը, որը նվիրել է ամուսնուն։
«Իմ» կոչվող երգի երաժշտության հեղինակը Արթուր Ալեքն է, խոսքերինը՝ Սուսաննա Պետրոսյանը։
Տեսահոլովակում երգչուհին ներկայացրել է մի քանի կերպարով, որոնցից մեկում իր հարսանեկան զգեստով է։ Նրա հետ մեկտեղ՝ տեսահոլովակում նկարահանվել է նաեւ նրա ամուսինը։
«Շատ հուզված եմ… Շնորհակալ եմ բոլոր այն մարդկանց, ովքեր ինձ օգնեցին ավարտին հասցնել այս երկարատև աշխատանքը։ Շնորհակալ եմ ամուսնուս, որ ամբողջ ընթացքում իմ կողքին էր»,- իր ֆեյսբուքյան էջում գրել է Սուսաննան։
Տեսահոլովակի ռեժիսորը Նիկ Էգիբյանն է։