Քիմ Քարդաշյանի օգնականը՝ հայուհու հետ աշխատանքի, Փարիզի կողոպուտի եւ Քանյե Ուեսթի մասին

Քիմ Քարդաշյանի օգնական Ստեֆանի Շեփարդը Refinery29-ին տված հարցազրույցում ռեալիթի շոուի 36-ամյա աստղի հետ աշխատանքից տպավորություններն է ներկայացրել:

Քրիս Ջեներն իսկապես հրաշք կին է

Որպես վեց հաջողակ երեխաների մայր՝ Քրիսն ինչ-որ բան գիտի, թե ինչպես պետք է ստիպել աշխատել: Շեփարդի խոսքով՝ հեռուստապրոդյուսերը միշտ հետեւում է իրադարձություններին ու վերահսկում դրանք:

«Այդ կինը թագուհի է: Նա կարող է զանգահարել հեռախոսով եւ փոխել աշխարհը: Նա ինչ-որ ձեւով կարողանում է միշտ հետեւել իր բոլոր երեխաներին ու նրանց կարիերային, իսկ սուրբծննդյան տոնին իր բոլոր օգնականներին հրաշալի նվերներ է մատուցում»,- պատմել է Ստեֆանին:

Քարդաշյանի օգնական կարելի է դառնալ պատահաբար

Քիմի հետ ծանոթանալուց առաջ Շեփարդը խորեոգրաֆի օգնական է աշխատել: Նոր աշխատանքը Ստեֆանին ստացել է, երբ Քանյե Ուեսթի կինը հղի է եղել Նորթով: Pussycat Dolls-ի հիմնադիր Ռոբին Անթինն աղջկան նոր տեղ է առաջարկել:

«Ավելի ուշ Քիմը, հիշելով մեր հանդիպումը, նշում էր, որ մեր երկուսի մազերն էլ հյուսք էին արված: Նրան դուր է եկել այս զուգադիպությունն ու իմ աուրան»,- հավելել է աստղի օգնականը:

Գլամուր կյանքը ծանր աշխատանք է, հատկապես՝ օգնականի համար

Գլամուր կյանքն օգնականի համար նշանակում է բազմաթիվ տոպրակներ եւ ճամպրուկներ, որոնց հետ պետք է ինչ-որ բան անել, երբ մեքենան չի գալիս կամ չվերթն ուշանում է: Անցյալ տարի ժամանակ կար, երբ մենք ամբողջ աշխարհում տեղաշարժվում էինք սարսափելի արագությամբ, ավելի կարեւոր բաների մասին մտածելու ժամանակ չկար:

Սակայն ամեն ինչ իր առավելություններն ունի

Ստեֆանին խոստովանել է, որ սուրբծննդյան տոնին Քանյե Ուեսթն իրեն օձի կաշվից ճտքակոշիկներ է նվիրել, իսկ դիմահարդար Մարիո Դեդիվանովիչը ցանկացած պահի պատրաստ է դիմահարդարել Քիմի օգնականին:

Մարզումները վարակիչ են

«Քիմի, Քլոեի եւ Քորթնիի կողքին ես միշտ մարզվում եմ: Նախկինում սպորտի երկրպագու չէի, բայց տեսնելով մարզասրահում նրանց ջանասիրաբար աշխատելիս, ամեն ինչ փոխվեց»,- խոստովանել է Շեփարդը:

 Քանյե Ուեսթը շատ ուրախ մարդ է

Արդյո՞ք մարդիկ գիտեն, որ նա զվարճալի է: Շատերը մտածում են, որ Քանյեն շատ լուրջ մարդ է, բայց նա նաեւ ուրախ է, հատկապես, երբ ծիծաղեցնում է ինձ:

Քիմի օգնականը պատրաստ է գնդակ ստանալ հանուն հայուհու

Շեփարդը Փարիզի հյուրանոցի համարում է եղել, երբ կողոպտիչները ներխուժել ու կապկպել են Քիմ Քարդաշյանին: Այդ օրվանից Ստեֆանին Քիմի պաշտպանությունն իր խնդիրն է համարում:

«Ինձ մոտ բնազդ է առաջացել՝ պաշտպանել Քիմին: Ես պատրաստ եմ հանուն նրա փամփուշտ ստանալ»,- խոստովանել է աստղի օգնականը: