Համբիկ Դանիելը՝ աշխարհահռչակ Spinnin' Records-ի մրցույթին մասնակցելու եւ Hambik A’shot նախագծի ստեղծման մասին
16:04 17 մայիսի, 2017Համբիկ Դանիելին երաժշտասերները կհիշեն X Factor 3 նախագծից, որտեղ նա հանդես էր գալիս Գարիկ Պապոյանի DaDu խմբում: Այսօր Համբիկը Hambik A’shot նորաստեղծ նախագծի անդամ է, որտեղ նրա գործընկերը Աշոտ Պետրոսյանն է.
«Աշոտի հետ հանդիպել ենք երաժշտական նախագծերից մեկի ժամանակ: Արդյունքում՝ ստեղծվել է Hambik A'shot նախագծի գաղափարը. մտահաղացումը երկուսինս էր», - NEWS.am STYLE-ի հետ զրույցում, անդրադառնալով Աշոտի հետ համագործակցությանը, նշեց Համբիկը:
Տղաները վերջերս են ներկայացրել իրենց Become One of Stars երգի տեսահոլովակը, որը զուգերգ է երգչուհի Սոնա Գյուլխասյանի հետ: Ի դեպ, երգի ստեղծման պատմությունը եւս հետաքրքիր է.
«Որոշեցինք մասնակցել աշխարհահռչակ Spinnin' Records-ի հայտարարած մրցույթներից մեկին, ինչի արդյունքում էլ ծնվեց այս երգը: Ցանկացանք համագործակցել Սոնայի հետ, քանի որ Հայաստանում այլ երգչուհու չենք ճանաչում, որը կարող էր առանց արտասանության խնդիրների երգել այս ոճում»,-ասում է Համբիկը:
Ի դեպ, X Factor նախագծում երաժիշտը հանդես էր գալիս որպես ռեփեր.
«Շատերին թվում է, թե ես միայն ռեփ եմ կարդում, բայց մեր YouTube-ի էջում այդ ամենի հակառակ ապացույցը կա»:
Տղաներն արդեն ունեն իրենց սեփական ստուդիան, որտեղ աշխատում են ոչ միայն իրենց նախագծերի շուրջ.
«Առաջիկա մտքերը գաղտնի են, բայց, բնականաբար, շատ ծրագրեր ունենք, որոնք բոլորի համար անակնկալ են լինելու»,-նշեց Համբիկը:
Սյունե Առաքելյան