Forbes հեղինակավոր պարբերականը հաշվել է, թե որքան են վաստակել Բեյոնսեն եւ Ջեյ Զին միասին: Եվ, բռնվե՛ք. երգչուհին ու ռեփերը 1 մլրդ 160 մլն դոլար կարողություն ունեն (չգիտենք, թե այս թիվը ինչպիսին է դոլարների տրցակների տեսքով )):
Ըստ պարբերականի՝ Ջեյ Զին, որն ամենահարուստ ռեփերների ցուցակում երկրորդն է՝ զիջելով Diddy-ին (այն էլ 10 մլն-ով), վաստակել է 810 մլն դոլար, իսկ նրա 35-ամյա կինը՝ 350 մլն:
Ժամանակին նույն Forbes-ին տված հարցազրույցում Բեյոնսեն հայտարարել էր, որ իրեն երբեք չի գոհացնում արդյունքը եւ մշտապես պետք է առաջ շարժվի:
«Ես երբեք չեմ տեսել ինչ-որ մեկին, որն ինձանից շատ է աշխատում շոու բիզնեսում»,- նշել է երգչուհին:
Ի դեպ, հիշեցնենք, որ զույգը հունիսին երկվորյակ է ունենալու: