Billboard Music Awards. Դրեյքը 13 մրցանակ է ստացել եւ գերազանցել Ադելի ռեկորդը
11:37 22 մայիսի, 2017Հանգստյան օրերին տարատեսակ միջոցառումներ են անցկացվել, որոնց թվում է Լաս Վեգասում կայացած Billboard Music Awards երաժշտական մրցանակաբաշխությունը:
Կանադացի ռեփեր Դրեյքը «Տարվա լավագույն արտիստ» մրցանակին է արժանացել: Ընդհանուր առմամբ, երաժիշտը 13 մրցանակ է ստացել, այդ թվում՝ «Լավագույն երգիչ», «Լավագույն Billboard 200 արտիստ» եւ «Լավագույն Billboard 100 կատարող» անվանակարգերում։
Ստացած մրցանակների թվով Դրեյքը գերազանցել է Ադելի ռեկորդը:
«Լավագույն ռոք ալբոմ» մրցանակի է արժանացել Metallica-ն, Բեյոնսեն արժանացել է «Լավագույն արտիտուհի», «Լավագույն համերգային շրջագայություն», «Լավագույնն R&B-ում», «Լավագույն R&B ալբոմ» մրցանակների:
Շոուն հարուստ է եղել Շերի, Սելին Դիոնի, Նիկի Մինաժի եւ ռեփեր Դրեյքի ելույթներով: Դրեյքի եւ Սելին Դիոնի ելույթներին առանձին կանդրադառնանք:
Իսկ «Հայ թագուհուն» շնորհավորել եւ Icon Award արձանիկը հանձնել է Գվեն Սթեֆանին:
Աղբյուրը՝ Daily Mail
Լուսանկարները՝ BroadImage-ի, Backgrid-ի, REX-ի, Shutterstock-ի, Getty-ի, Splash-ի