Դրեյքի խելահեղ շոուն եւ սիրո խոստովանությունը Նիկի Մինաժին՝ Billboard Music Awards-ին

12:08   22 մայիսի, 2017

Այս տարվա Billboard Music Awards մրցանակաբաշխության մասին դեռ երկար են խոսելու, քանի որ իրադարձություններն այնքան շատ էին, որ ձեր ուշադրությանն ենք ներկայացնում առանձնաբար։

Եվ այսպես,  Շերի ելույթին արդեն հետեւեցինք, նաեւ ներկայացրեցինք, որ ռեփեր Դրեյքը գերազանցել է Ադելի սահմանած ռեկորդը՝ միանգամից 13 արձանիկ ստանալով:

Հիմա անցնենք մրցանակների հանձնման արարողությունից առաջ տեղի ունեցած իրադարձություններին, ինչպես նաեւ բեմում ռեփերի ելույթին:


Եվ այսպես, ռեփերը 13 անգամ բեմ է բարձրացել, մեկ անգամ նույնիսկ ամբողջ թիմի, հոր եւ Նիկի Մինաժի հետ:


Տարբեր անվանակարգերում Բեյոնսեին, Ռիհանային, Ադելին, Արիանա Գրանդեին հաղթած կանադացին սեր է խոստովանել Նիկի Մինաժին: Նրան մատնացույց անելով՝ Դրեյքը հայտարարել է.


«Ահա իմ ամբողջ կյանքի սերը»:


Ամենայն հավանականությամբ, Դրեյքի վրա ազդել է Նիկի Մինաժի «թեժ» ելույթը:


Բայց այս արարողությունը կհիշվի Bellagio հյուրանոցի առջեւ՝ հենց շատրվանի վրա, Դրեյքի ելույթով:


Դրեյքին միացել են նաեւ Ջեյսոն Դերուլոն, Դեւիդ Գետտան եւ Լիլ Ուեյնը:

Աղբյուրը՝ Daily Mail
Լուսանկարները՝ ABC-ի, DCP-ի, BroadImage-ի, Backgrid-ի, REX-ի, Shutterstock-ի, Getty-ի, Splash-ի



© NEWS.am STYLE