Բրիտանացի հայտնի մոդել, նորաձեւության կուռք Նաոմի Քեմփբելն այսօր տոնում է ծննդյան տարեդարձը: Սեւ հովազը դարձավ 47 տարեկան:
Իր կարիերան Քեմփբելը սկսել է 15 տարեկանում` աստիճանաբար դառնալով աշխարհի ամենահայտնի մոդելներից մեկը եւ արժանանալով տարբեր տիտղոսների, այդ թվում` սուպերմոդելի կոչմանը:
Բացի հեղինակավոր ամսագրերի շապիկներից` Նաոմին նկարահանվել է նաեւ տարբեր երաժշտական հոլովակներում եւ ֆիլմերում: Նա որպես ժյուրի հանդես է եկել The Face շոուում, որի նպատակն է բացահայտել տաղանդավոր մոդելներին:
Սեւ հովազի մասին խոսելիս մենք հաճախ անդրադառնում ենք նրա շլացնող կերպարներին: Այս անգամ որոշել ենք ձեզ ներկայացնել Նաոմի Քեմփբելի ամենահետաքրքիր մտքերից մի քանիսը:
«Յուրաքանչյուրն էլ ունենում է բարկության պահեր: Բարկությունն էմոցիա է»:
«Ես համա՞ռ եմ: Այո՛: Ես չեմ սիրում պարտվել, եւ երբ ինձ ասում են «ոչ», ես այլ ճանապարհներ եմ փնտրում դեպի «այո»-ն»:
«Չեմ կարծում, թե գեղեցիկ եմ ծնվել: Ես պարզապես ծնվել եմ այնպիսին, ինչպիսին կամ»:
«Ես պարտավորված եմ զգում սեւամորթ մոդելների հանդեպ: Երբ նրանք ինձ մոտենում եւ ասում են, որ չեն կարողանում աշխատանք ստանալ, ես ամեն ինչ անում եմ նրանց օգնելու համար»:
«Ես շատ-շատ եմ աշխատում ու արժանի եմ իմ ստացած ցանկացած ցենտին»:
«Մարդը մարդ է դառնում, երբ ընդունում է ինքն իրեն եւ ապրում սեփական կյանքով»:
«Ցանկացած մարդ պետք է սխալվի: Միայն այդպես ենք մենք սովորում, եւ աշխարհն այդպես է կառուցված»:
«Ինձ ոչ մի թիվ չի վախեցնում: Մեծանալն ինձ համար բնական երեւույթ է»:
«Աշխարհում միայն մեկ Քեյթ Մոս կա: Նա իդեալ է»:
«Պետք է կարողանաս ընդունել քո մեղքերն ու բացահայտ խոսել դրանց մասին»: