Forbes հեղինակավոր ամսագիրը հրապարակել է ռուսական ամենաազդեցիկ աստղերի ցանկը, որը գլխավորել է թենիսիստուհի Մարիա Շարապովան (Մարիան վարկանիշը գլխավորում է 2013 թվականից):
Վարկանիշը կազմել են՝ հաշվի առնելով երեք գործոն` տարեկան եկամուտ, մամուլում հիշատակումների եւ որոնողական համակարգերում հարցման քանակ:
Մարիայի եկամուտն այս տարի կազմել է շուրջ 22 մլն դոլար:
Երկրորդ տեղում երաժիշտ Գրիգորի Լեփսն է: Նրա տարեկան եկամուտը կազմել է 9 մլն դոլար:
Երրորդ հորիզոնականում Սերգեյ Շնուրն է (11 մլն դոլար):
Չորրորդ հորիզոնականում «ռուսական էստրադայի արքա» Ֆիլիպ Կիրկորովն է՝ 7 մլն դոլար եկամուտով:
Վեցերորդ տեղը զբաղեցրել է մոդել եւ բարերար Նատալյա Վոդյանովան, նրան հետեւում են Սերգեյ Լազարեւն ու Եգոր Կրիդը, իսկ 9-րդ հորիզոնականում Զեմֆիրան է:
Այս ցանկում ներառված հայտնիների թվում են նաեւ Թիմաթին (11-րդ տեղ), Դիմա Բիլանը (13-րդ տեղ), Քսենիա Սոբչակը (15-րդ տեղ), Ստաս Միխայլովը (21-րդ տեղ): Անդրեյ Մալախովը 30-րդ հորիզոնականում է:
Երգչուհի Պոլինա Գագարինան 12-րդ տեղն է զբաղեցրել, մոդել Իրինա Շեյքը՝ 43-րդ: Պավել Վոլյան 41-րդ տեղում է, Կոնստանտին Խաբենսկին՝ 48-րդ: