Մանչեսթերի ահաբեկչությունից հետո Արիանա Գրանդեն դադարեցրել է համերգային շրջագայությունը
16:22 23 մայիսի, 2017Հայտնի է, որ երեկ երեկոյան Մանչեսթերում Արիանա Գրանդեի համերգից հետո ահաբեկչություն է իրականացվել: Պայթյունի հետեւանքով 22 մարդ է զոհվել, շուրջ 60 վիրավոր կա:
TMZ-ը հաղորդում է, որ երգչուհին ցնցված է.
«Բառեր չեմ գտնում: Ամբողջ հոգով ցավում եմ»,- հայտարարել է Գրանդեն:
Իսկ ավելի ուշ նրա համերգային շրջագայության կազմակերպիչները հայտարարել են, որ համերգները ժամանակավորապես դադարեցվում են:
Երգչուհին պետք է ելույթ ունենար Անգլիայում, Բելգիայում, Լեհաստանում, Գերմանիայում եւ Շվեյցարիայում: