Քանյե Ուեսթը Քիմ Քարդաշյանին ամուսնության 3-րդ տարեդարձի առիթով ճերմակ վարդերի հսկայական փնջեր է նվիրել
17:29 26 մայիսի, 2017Երեկ Քիմ Քարդաշյանն ու Քանյե Ուեսթը հոբելյան էին տոնում: Երեք տարի առաջ հայուհին ու հայտնի ռեփերն ամուսնացան:
Ռեալիթի շոուի աստղը Քանյեին շնորհավորել էր ամուսնության 3-րդ տարեդարձի առիթով եւ արխիվային լուսանկարներ հրապարակել:
«Երեք տարի է անցել, առջեւում մի ամբողջ կյանք կա»,- Twitter-ում գրել էր հայուհին:
Իսկ այսօր Քիմը Snapchat-ը հեղեղել է նոր լուսանկարներով ու տեսանյութով՝ ցուցադրելով Քանյեի նվիրված ճերմակ վարդերը:
«Հրաշալի է, երբ տուն ես վերադառնում եւ քեզ վարդերի օվկիանոս է սպասում: Շնորհավո՛ր, սիրելիս»,- տեսանյութը մակագրել է Քիմը:
Քիմի ու Քանյեի հարսանիքը տեղի է ունեցել 2014 թվականին` Ֆլորենցիայում:
Քիմի համար հարսանեկան զգեստ է ստեղծել Givenchy-ի նախկին ստեղծագործական տնօրեն եւ ընտանիքի մտերիմ ընկեր Ռիկարդո Տիշին:
