Անհաջողության մասին նախազգուշացնող վատ նշաններ

Տանը թիթեռ կամ թռչուն

Եթե բաց դռնով կամ պատուհանով թիթեռ է մտել, այն շուտով տան անդամներից մեկի հիվանդանալու, նահանջող հիվանդության սրվելու եւ նույնիսկ տխուր ավարտի նախագուշակն է: Միջատին հարկավոր է բռնել ապակե տարայի կամ այլ անոթի միջոցով եւ տնից հեռու տանել:

Նախանշանի համաձայն` բնակարան մտած թռչունը մահացած մարդու հոգին է եւ ազգականներին նախազգուշացնում է սպառնացող անախորժությունների մասին: Անհրաժեշտ է նրանց հոգու հանգստության համար մոմ վառել եկեղեցում եւ շիրիմին այցելել` նախազգուշացման համար շնորհակալություն հայտնելու եւ օգնություն ու պաշտպանություն խնդրելու համար:

Իրերի ետեւից վերադարձ եւ մոռացված իրեր

Երբ մարդը շտապելով տնից դուրս է եկել` մոռանալով անհրաժեշտ իրը, այս նախանշանը զգուշացնում է, որ ճանապարհին դժվարություններ կծագեն: Դա կարող են անցանկալի հանդիպումները լինել, տրանսպորտի ուշացումը, ինչպես նաեւ աշխատանքային անախորժությունները: Վերցրեք մոռացված իրը եւ պարտադիր հայելու մեջ «ճանապարհին» նայեք` արտացոլանքին կուկիշ կամ լեզու ցույց տալով:

Կանխավ շնորհավորանք

Եթե մոռացել եւ մարդու ծննդյան տարեդարձը նախապես եք շնորհավորել, սա անախորժություն է խոստանում ոչ միայն անվանակոչիկին, այլեւ ձեզ: Համարվում է, որ դուք խառնվում եք Ճակատագրի ընթացքին: Այս նախանշանը կապված է այն բանի հետ, որ ամենքն անտեղյակ են այս երկրում իրենց հատկացված կյանքի ճանապարհին ու ժամկետին: Ուստի ձեր սխալը կարող է հիվանդություններ եւ դժվարություններ գրավել: Նման ցավալի անփութությունից հետո արժի աղոթել անվանակոչիկի առողջության համար:

Կանգնած ժամացույց

Եթե կանգնել է ձեր ձեռքի ժամացույցը, հետեւեք ձեր ֆինանսներին եւ ձգտեք այդ օրը փող չծախսել: Նաեւ չարժի պարտքով փող տալ` կարող են դրամական մասով դժվարություններ առաջանալ, ինչպես նաեւ այն մարդու հետ հարաբերություններում, ով ձեզնից անհրաժեշտ գումար է խնդրել: Նման դեպքերում արժի օգտվել դրամական թալիսմաններից:

Եթե տան ժամացույցն է կանգնել` դժբախտություն է: Ժամացույցների հետ կապված տհաճությունները կարող են նշանակել, որ ձեր ժամանակն ավարտվել է եւ այն ամենը, ինչ հասցրել եք անել, ձեզ դժվարությամբ կտրվի: Հետեւեք ժամը ցույց տվող ձեր սարքերին եւ թույլ մի տվեք, որ դրանք կանգնեն:

Նվիրված սուր իրեր

Եթե ձեզ դանակ կամ պատառաքաղ են նվիրել, սա հետագայում մեծ թվով առճակատումներ եւ վեճեր է նախանշում: Ապագա բացասականից ձերբազատվելու համար սուր ծայրերը փափուկ գործվածքով փաթաթեք եւ որոշ ժամանակ այս իրերը թաքցրեք:

Վնգստացող եւ կաղկանձող շուն

Շան երկարատեւ վնգստոցը, որը վերափոխվում է վախեցած կաղկանձի, մեր նախահայրերը համարել են մահվան նախանշան: Եթե տանը, որտեղ շունը վնգստացել է, ծանր հիվանդ մարդ է եղել, աղգականները հոգեբանորեն վատթարագույնին են պատրաստվել:

Ագռավի կռկռոց

Եթե ձեր պատուհանի մոտ է թռչել ագռավը եւ սկսել կռկռալ, դժբախտություն սպասեք: Անհրաժեշտ է թռչնին հեռացնել` «չդիպչես ինձ, չդիպչես» բառերով եւ անպայման պաշտպանության մասին աղոթել: Հիվանդ մարդու պատուհանի մոտ կռկռացող ագռավը նշանակում է առողջանալու երկարաձգում եւ ինքնազգացողության վատթարացում:

Կոտրված անիվ

Նախկինում եթե սայլի անիվը կոտրվում էր, մարդիկ նախընտրում էին ուղեւորությունը հետաձգել: Այս նախանշանը զգուշացնում էր ճանապարհի դժվարությունների մտահղացած միջոցառման ձախողման մասին: Եթե նման իրավիճակում եք հայտնվել, փորձեք ձեր ծրագրերը վերանայել եւ ձեռնպահ մնացեք մտահղացումից: Եթե դա անհնար է, օգտագործեք հաջողություն բերող հուռութքներ եւ հմայիլներ:

Ջարդված հայելի

Ջարդված հայելին թերեւս ամենատարածված նախանշաններից մեկն է աղը թափելու թվում: Ջարդված հայելին նախանշում է անախորժություններ, լուրջ վեճեր, ամուսինների ապահարզան, ինչպես նաեւ ծանր հիվանդություններ: Անհրաժեշտ է բեկորներն ավլել եւ դրանց մեջ չնայել: Դրանք հավաքեք անթափանց պարկի մեջ եւ զգուշորեն դեն նետեք:

Ցած նետված հաց

Եթե պատահաբար հացը մի կողմ եք գցել կամ ցած նետել, սա աղքատություն եւ դրամի բացակայություն է խոստանում: Մեր նախահայրերը լրջորեն են վերաբերվել մթերքներին, քանի որ դրանք բոլորը նրանց ծանր աշխատանքի արդյունքն էին: Ցած ընկած հացը պետք է բարձրացնել, թափ տալ եւ դրանով թռչուններին կերակրել, որ բարիքը չոչնչանա:

Աղբյուրը` Klubber.ua