Շիկակարմիր կամ կարմրահեր մազերով մարդիկ կազմում եմ աշխարհի բնակչության միայն 2 տոկոսը։ Դե, պատկերացրեք, թե Հայաստանում նրանք որքան քիչ են։
Բայց NEWS.am STYLE-ին հաջողվել է գտնել կարմրահեր փոքրիկների եւ հունիսի 1-ին ընդառաջ նրանց հետ տոնական ֆոտոշարք կազմակերպել։
Մեր հերոսներից ամենափոքրիկը 3 ամսական է, ամենամեծը՝ 11 տարեկան։
Միքայել, 3 ամսական
Այնպես ստացվեց, որ նկարահանումների օրը Միքայելը դարձավ երկու ամսական (հիմա նա 3 ամսական է)։ Կարմրահեր փոքրիկը սկզբում քնած էր, բայց մեզ, ի վերջո, հաջողվեց նրան արթնացնել :)
Վալենտինա 4.5 տարեկան
Մեզ այդպես էլ չհաջողվեց Վալենտինային ստիպել ժպտալ: Բայց պարզեցինք, որ նա սիրում է նկարել, ուզում է մայրիկ դառնալ, ապա՝ բժշկուհի եւ նկարչուհի :)
Սարգիս, 5 տարեկան
Շատ լուրջ տղա է եւ որոշել է դառնալ փրկարար։ Սիրում է ֆուտբոլ եւ բասկետբոլ։
էվա, 1.5
Նկարահանման ամբողջ ընթացքում ուրախ վազվզում էր։ Մայրիկի խոսքով՝ սիրում է պարել։
Անի, 6 տարեկան
Անին նկարահանման էր եկել իր սիրելի խաղալիքի հետ։ Շատ ամաչկոտ էր, բայց ինձ ասաց, որ ուզում է պարուհի դառնալ։
Արեն եւ էդգար, 6.5 տարեկան
էդգարն ուզում է դառնալ նախագահ, որ փողկապ կրի, իսկ Արենը դեռ փնտրտուքների մեջ է։ Երկուսն էլ կավագործություն են սիրում։
Մարիաննա, 4.5 տարեկան
Մարիաննան ուզում է դառնալ բժշկուհի կամ դերասանուհի։ Շատ է սիրում գրքեր կարդալ եւ երազում է դպրոց հաճախելու մասին:
էլմիրա, 2.2 տարեկան
Մայրիկի խոսքով՝ Էլմիրան կամակոր է, քմահաճ, չի սիրում նստել տեղում։ Եվ մենք, անշուշտ, նկատեցինք դա նկարահանման ընթացքում :) Սիրում է պարել եւ երգել։
Արինա, 3.2 տարեկան
Սիրում է լեգոյով խաղալ, մուլտֆիլմեր դիտել, ինչպես նաեւ պարել։
Աիդա, 8 տարեկան
Ուզում է դառնալ ռուսերենի ուսուցչուհի։ Դպրոցում ամենասիրելի առարկան ռուսերենն է։ Հաճախում է պարի, մտածում է պարուհի դառնալու մասին։
Նարե, 6 տարեկան
Սիրում է սովորել, ուզում է դառնալ բժշկուհի, որպեսզի օգնի մարդկանց։
Մանե, 11 տարեկան
Մանեն հաճախում է լողի, նկարչության դասերի, բայց դեռ մտածում է, թե ինչ պետք է դառնա ապագայում։ Ինձ հետ զրուցելիս նշեց, որ կցանկանար կենդանիների հետ կապված աշխատանք ունենալ։
Շնորհավոր Հունիսի 1, կարմրահեր արեւներ!
Հեղինակ՝ Շուշան Շատիկյան
Լուսանկարները՝ Արսեն Սարգսյանի