Օ՜, այո: Մոլորակի ամենահմայիչ, սեքսուալ մոդելներից Քենդիս Սվեյնփոլը վերադառնում է Victoria’s Secret-ի թիմ:
Այս մասին 28-ամյա մոդելը հայտնել է Instagram-ում՝ հաստատելով Victoria’s Secret-ի Twitter-ի հաղորդագրությունը:
2016 թվականի հոկտեմբերին մայր դարձած մոդելը, հավանաբար, պոդիում կբարձրանա արդեն այս աշնանը՝ Victoria’s Secret-ի ավանդական ցուցադրությանը: Ապրանքանիշի Twitter-ում Քենդիսի մասնակցությամբ նոր տեսանյութ է հրապարակվել:
«Պաշտոնական. Քենդիս Սվեյնփոլը վերադարձել է»,- մակագրել են տեսանյութը:
Սեւ-սպիտակ տեսանյութում Քենդիսը կեցվածք է ընդունել լողազգեստով՝ ցուցադրելով որդու՝ Անակայի լույս աշխարհ գալուց հետո վերականգնած կազմվածքը:
Ի դեպ, Ալեսանդրա Ամբրոսիոն, Միրանդա Քերը, Լիլի Օլդրիջը, Հայդի Քլումը նույնպես ծննդաբերությունից հետո ռեկորդային ժամկետներում նորից ստանձնեցին Victoria’s Secret-ի «հրեշտակի» պարտականությունները: