Գարիկ Մարտիրոսյանի կնոջը զարմացրել են Երեւանի ջուրն ու վարդագույն շենքերը (Ֆոտո)
12:49 7 հունիսի, 2017Գարիկ Մարտիրոսյանի եւ նրա կնոջ՝ Ժաննա Լեւինայի արկածները Երեւանում շարունակվում են։ Ամուսիններն այսօր զբոսնել են մայրաքաղաքի կենտրոնական փողոցներով, եղել Հյուսիսային պողատայում եւ օպերայի շենքի տարածքում։
Հյուսիսային պողոտայում Ժաննան ջուր է խմել ցայտաղբյուրից եւ հաճելիորեն զարմացել. «Այստեղ կարելի է ջուր խմել փողոցում, համեղ է»,-իր Instagram-ում հրապարակած տեսանյութում ասել է նա։
Այնուհետ նա լուսանկարվել է Առնո Բաբաջանյանի արձանի մոտ։
Գարիկ Մարտիրոսյանի կնոջը հիացրել են նաեւ վարդագույն տուֆից պատրաստված շենքերը։
Հիշեցնենք, որ Գարիկն իր կնոջ հետ երեկ ավտոմեքենայով եկել է Հայաստան։
Նրանք արդեն հասցրել են լինել մի շարք հայտնի վայրերում, ուտել փախլավա, խեցգետնի մսից քաբաբ եւ այլն։