«Ատելության փոխարեն՝ տոն սարքիր յուրաքանչյուր օրդ». այսօր Փրինսը կդառնար 59 տարեկան
17:03 7 հունիսի, 2017Այսօր՝ հունիսի 7-ին, ծնվել է ամերիկացի հայտնի երգիչ Փրինսը: Լեգենդար երաժիշտն այսօր կդառնար 59 տարեկան:
Փրինսը մահացել է անցած տարի՝ ապրիլի 21-ին: Ատլանտայում կայացած համերգից հետո երգչի ինքնազգացողությունն ինքնաթիռում վատացել է: Նրան տեղափոխել են հիվանդանոց: Մահվանը նախորդող մեկ շաբաթվա ընթացքում երգիչը ոչ մի րոպե չի քնել: Որպես նրա մահվան պատճառ՝ նշվում է ֆենտանիլի չարաշահումը:
Իր ստեղծագործական գործունեության ընթացքում Փրինսը վաճառել է ավելի քան 100 միլիոն ձայնասկավառակ: Երաժիշտը նաեւ «Գրեմմիի», «Օսկարի» եւ «Ոսկե գլոբուսի» մրցանակակիր է:
Լեգենդար երգչի հայտնի մեջբերումներից մի քանիսը ներկայացնում ենք ստորեւ.
«Անկախ ամեն ինչից՝ ոչ-ոք քեզ չի կարող թելադրել, թե ով ես դու»:
«Երկարակեցության գաղտնիքը երաժշտությունը մանրակրկտորեն ուսումնասիրելն է»:
«Ինձ դուր է գալիս արդարացված քննադատությունը, հատկապես, երբ դա անում են խելացի մարդիկ»:
«Ամեն ինչն ունի իր մութ կողմերը»:
«Արվեստը ենթադրում է ստեղծել նոր հիմք, ոչ թե արդեն գույություն ունեցածի վրա ստեղծել քոնը»:
«Ժամանակը մտքի ստեղծած հասկացությունն է: Իրականում այն գոյություն չունի»:
«Փոփ երաժշտությանը պակասում է վտանգը»:
«Ես նախընտրում եմ չխոսել անցյալի մասին»:
«Ես երբեք չեմ քվեարկում. ինչի՞ս է դա պետք»:
«Իսկական արտիստը ձայնագրման ստուդիայի կարիք չունի, որպեսզի վերածվի ինչ-որ մեկի»:
«Ատելության փոխարեն՝ տոն սարքիր յուրաքանչյուր օրդ»: