«Սեւ հովազի» թրեյլերը մեկ օրում 90 մլն դիտում է հավաքել
18:10 13 հունիսի, 2017Marvel կինոստուդիայի երկրպագուները ստիպված են սպասել հերթական գլուխգործոցին, որը կինովարձույթում կհայտնվի 2018 թվականին։
Մինչ այդ, Marvel-ի նոր սուպերհերոսի մասին պատմող «Սեւ հովազ» ֆիլմի թրեյլերը մեկ օրում 90 մլն դիտում է հավաքել։
The Hollywood Reporter-ը հաղորդում է, որ տեսագրության պրեմիերան տեղի է ունեցել ուրբաթ՝ ԲԱԱ-ի չորրորդ եզրափակիչ խաղի հեռարձակման ժամանակ։ Հետո տեսանյութը հրապարակվել է տարբեր հարթակներում ու սոցկայքերում՝ մեկ օրում հավաքելով 90 մլն դիտում։
Առաջին հայացքից թվում է, թե Վաքանդան վայրի Աֆրիկայի սովորական տարածք է, բայց այդպես չէ։ Այստեղ՝ հողի ընդերքում են գտնվում արտասովոր մետաղի հանքերը, որն ունակ է կլանել թրթռումը։ Շատերն են փորձել հասնել դրանց՝ ճանապարհին չխնայելով ոչինչ եւ աբորիգենների կործանման պատճառ դառնալով, սակայն ամեն անգամ սավաննայի գաղտնի ոգին՝ Սեւ հովազը, պաշտպանել է ճնշվածներին։
Տարիներ անց նորից թշնամին «հարձակվում է» Վաքանդայի վրա՝ այս անգամ որպես զենք գործածելով ժամանակակից տեխնոլոգիաները։ Երբ գրեթե ոչնչի հնարավորություն չի մնում: Տ՛Չալլան՝ Վաքանդայի երիտասարդ արքայազնը, իմանում է, որ հենց ինքը պետք է իրականություն դարձնի առասպելն ու շարունակի հավերժական պայքարը՝ կրելով Սեւ Հովազի դիմակը։
«Սեւ հովազին»՝ սուպերհերոսին եւ աֆրիկյան մտացածին երկրի թագավորին ստեղծել են Սթեն Լին եւ Ջեք Քիրբին։ Կերպարի կինոդեբյուտը տեղի է ունեցել «Առաջին վրիժառուն. Դիմակայություն» (2016) ֆիլմում։ Նրան մարմնավորել է Չեդվիկ Բոուզմանը։