Վլադիմիր եւ Սաթի Սպիվակովների դուստրն ամուսնացել է, գրում է Tatler-ը։
Կայքի հաղորդմամբ՝ Տատյանա Սպիվակովան եւ ամուսինը՝ Թոմաս Մատալուն, ծանոթացել են 2015 թվականի հունիսի 18-ին՝ քասթինգի ժամանակ, եւ երկու տարի անց՝ նույն օրը, ամուսնացել։
Հարսանիքն անցել է նեղ շրջանակում. հարսնացուի կողմից 18 անձ է մասնակցել արարողությանը։
Տատյանայի հագին պսակադրության ժամանակ եղել է Elie Saab ապրանքանիշի զգեստ։
Իսկ, ահա, խնջույքի համար նա նախընտրել է Ֆրիդա Կալոյի կերպարը՝ Alexander Wang-ից զգեստով։
Թեեւ զույգն ամուսնացել է հունիսի 18-ին, սակայն հարսանիքի մասին հայտնի է դարձել միայն այսօր, երբ տեսանյութեր եւ լուսանկարներ են հրապարակվել սոցիալական ցանցերում։