Բալով թխվածք. NEWS.am STYLE-ի բաղադրատոմսը (տեսանյութ)
16:15 26 հունիսի, 2017NEWS.am STYLE-ն առաջարկում է ամառն ավելի համեղ դարձնել՝ թեթեւ ու քաղցր թխվածք համտեսելով: Այսօր ձեր ուշադրությանն ենք ներկայացնում բալով թխվածքի հետաքրքիր եւ հեշտ պատրաստվող բաղադրատոմս.
Ինչ է անհրաժեշտ.
250 գր. կարագ
1 բաժակ շաքարավազ
1 թեյի գդալ քացախ, կիտրոնի աղ եւ սոդա
5 հավկիթ
1 բաժակ օսլա
1 բաժակ ալյուր
Պատրաստման եղանակը.
Կարագը հարել շաքարավազի հետ:
Պարաստել սոդայի խառնուրդ՝ կիտրոնի աղով եւ քացախով: Այն ավելացնել կարագի եւ շաքարավազի վրա: Հատ-հատ ավելացնել հավկիթները, յուրաքանչյուրից հետո շարունակել հարելը: Ավելացնել օսլան եւ ալյուրը:
Ջեռոցի տարան ձեթապատել: Խմորը տարածել տարայի մեջ, վրան շարել բալերը, այնուհետեւ թխել մոտ 45 րոպե՝ 200 աստիճան տաքացրած ջեռոցում:
Սառելուց հետո թխվածքի վրա ցանել շաքարի փոշի:
Բարի ախորժակ:)
Սյունե Առաքելյան