Իսկ ի՞նչ էիք կարծում: Որ Բրեդ Փիթն ամբողջ կյանքում կնստի ու լաց կլինի Անջելինա Ջոլիի համա՞ր:
Դե, մի քիչ թնկթնկաց ու առաջ անցավ:
Անցյալ տարվա սեպտեմբերին Էնջիի հետ բաժանվելուց հետո Փիթին մի քանի սիրավեպ վերագրեցին. մե՛կ Մարիոն Կոտիյարի հետ, մե՛կ Սիենա Միլլերի: Բայց հիմա, կարծես, ամեն ինչ շատ ավելի լուրջ է:
Բրեդին նկատել են ավստրալացի 53-ամյա մոդել, դիզայներ եւ դերասանուհի Էլ Մաքֆերսոնի հետ սեթեւեթելիս: Մոդելն իր հերթին վերջերս բաժանվել է ամուսնուց՝ Ջեֆրի Սոֆերից:
Ավստրալական New Idea-ի փոխանցմամբ՝ Էլը Բրեդի հետ հանդիպել է Հոլիվուդում:
«Նրանք իսկական ժամադրության էին գնացել, նրանք սեթեւեթում էին իրար հետ: Նրանք զույգի տեսք ունեին: Ընթրեցին, իսկ հետո գնացին Լոս Անջելեսի գիշերային ակումբներից մեկը»,- հաղորդել է ներքին աղբյուրը: Սակայն համացանցում պապարացիները դեռեւս լուսանկարներ չեն հրապարակել:
Փիթն ու Էլն առաջին անգամ հանդիպել են «Ընկերները» սերիալի նկարահանումների ժամանակ, երբ Բրեդն ամուսնացած էր Ջենիֆեր Էնիսթոնի հետ: