Քլոե Քարդաշյանը հղի՞ է
20:31 27 հունիսի, 2017Քլոե Քարդաշյանն այսօր 33 տարեկան դարձավ: Տարեդարձի առիթով երեկույթը, սակայն, Քիմի քույրը կազմակերպել է կիրակի: The Keeping Up With The Kardashians ռեալիթի շոուի աստղը միջոցառմանը ներկայացել է Roberto Cavalli-ից 4.000 դոլար արժողությամբ զգեստով եւ Tamara Mellon-ից կոշիկով: Հյուրերի թվում, իհարկե, եղել է նաեւ հայուհու ընկերը՝ բասկետբոլիստ Տրիստան Թոմփսոնը:
Ըստ TMZ-ի՝ Քլոեն Snapchat-ում գրել է, որ երբեք այսքան լավ երեկույթ չի ունեցել: Հայուհին նաեւ Տրիստանի հետ լուսանկարների կոլաժ է հրապարակել, իսկ լուսանկարների վրա «Հայրիկ + մայրիկ» գրությունը կա:
Քլոեն առայժմ չի մեկնաբանել ենթադրությունները, որոնք անմիջապես գրառել են բաժանորդները (24 մլն), սակայն գրել է, որ դեռ ուշքի է գալիս մեծ քանակությամբ ալկոհոլից հետո: Սա վառ ապացույցն է այն բանի, որ հայուհին հղի չէ: Չնայած ո՞վ գիտի այդ Քարդաշյաններին...