Էմիլիա Քլարքն 8-րդ սեզոնից հետո չի նկարահանվի «Գահերի խաղում»
15:31 29 հունիսի, 2017Գեղեցկուհի Էմիլիա Քլարքը հայտնվել է Rolling Stone ամսագրի շապիկին եւ էջերում: Պարբերականին տված հարցազրույցում 30-ամյա դերասանուհին նշել է, որ 8-րդ սեզոնից հետո այլեւս չի նկարահանվելու հայտնի սերիալում:
«Վստահ եմ, որ 8-րդ սեզոնից հետո բազմաթիվ պրիքվելներ ու սիքվելներ կլինեն: Բայց ես այլեւս չեմ նկարահանվելու: Ինձ հետաքրքրում է իմ կարիերայի հետագա զարգացումը:
Կլինի 7-րդ սեզոնը, հետո 8-րդը եւ վերջ: Դրանից հետո չեմ նկարահանվելու: Գիտեմ, որ հետո առանձին հերոսների մասին բազմաթիվ պատմություններ են նկարահանվելու, բայց ինձ համար բավական է»,- հայտարարել է Քլարքը:
«Ես կապրեմ մինչեւ վերջ»,- ասել է Էմիլիան՝ ակնարկելով սերիալի հերոսուհի Դեյեներիս Թարգարիենի ճակատագիրը:
Դե, իսկ մենք սպասենք 7-րդ սեզոնին, որը մեկնարկելու է հուլիսի 16-ին: