Իրինա Շեյքը՝ Blumarine-ի գովազդում
16:33 29 հունիսի, 2017Մեկ շաբաթ առաջ ռուսաստանցի սուպերմոդել Իրինա Շեյքն Instagram-ի իր բաժանորդներին ուրախացրեց Blumarine-ի ֆոտոշարքին մասնակցելու լուրով։
Բրիտանացի դերասան Բրեդլի Կուպերի ընկերուհուն լուսանկարել են Լուիջի Մուրենուն եւ Յանգո Հենցին։
«Blumarine-ի նոր գովազդային քարոզարշավը՝ անհավանական Լուիջիի եւ Յանգոյի հեղինակությամբ»,- գրել էր Շեյքը։
Իսկ այսօր Իրինան ապրանքանիշի գովազդի տեսագրությունն է հրապարակել։ Նկարահանումն անցկացրել են Նյու Յորքի մերձակայքում, 20-րդ դարում կառուցված առանձնատանը, որը ճշգրտութամբ փոխանցել է ապրանքանիշի կոնցեպցիան։
Իտալական ապրանքանիշի ներկայացուցչի խոսքով՝ շինությունն ընդգծել է ապրանքանիշի «զգայուն, կանացի ու նրբաճաշակ հագուստները»: Ապրանքանիշը, ի դեպ, այս տարի տոնում է 40-ամյակը։