Հայտնի նկարիչը Դոնալդ եւ Մելանյա Թրամփներին նվիրել է նրանց դիմանկարները
11:35 1 հուլիսի, 2017Շուտով Վաշինգթոնում՝ Սպիտակ տանը, կհայտնվեն Դոնալդ եւ Մելանյա Թրամփների դիմանկարները, գրում է TMZ-ը։
ԱՄՆ նախագահի եւ առաջին տիկնոջ դիմանկարները երկրի առաջին զույգին նվիրել է կոնգրեսականներից մեկը։
Դիմանկարների հեղինակը Թրամփի կողմնակից, նկարիչ Բարրի Ուինգարդն է։ Նա նկարները ներկայացրել է կոնգրեսական Մայք Քելիին եւ խնդրել դրանք Սպիտակ տուն տեղափոխել։ Քելին համաձայնել է եւ հատուկ հարցում արել ԱՄՆ նախագահին ու նրա տիկնոջը։
Տվյալ պահին Թրամփի կողմից պաշտոնական մեկնաբանություններ դեռ չեն հնչել, սակայն աղբյուրների համաձայն՝ դիմանկարները դուր են եկել նախագահի կնոջը։