Այսօր մի շարք հայտնի մարդիկ են ծնվել: Ձեր ուշադրությանն արդեն ներկայացրել ենք արքայադուստր Դիանայի եւ Պամելա Անդերսոնի մասին մեր անդրադարձները: Նրանցից բացի՝ ծննդյան տարեդարձն է նշում նաեւ հոլիվուդյան հայտնի դերասանուհի եւ մոդել Լիվ Թայլերը: Կապուտաչյա գեղեցկուհին այսօր դարձավ 40 տարեկան:
Լիվի մայրը երգչուհի եւ նախկին մոդել Բիբի Բյուելն է, իսկ հայրը՝ աշխարհահռչակ երաժիշտ, Aerosmith հայտնի խմբի անդամ Սթիվեն Թայլերն է:
Մոդելինգով Լիվը սկսել է զբաղվել 14 տարեկանից, իսկ հեռուստաէկրաններին առաջին անգամ հայտնվել է 1991 թ-ին՝ հանդես գալով հայտնի երգիչ Ջորջ Մայքլի Cowboys and Angels տեսահոլովակում: 1994-ին Թայլերն ու դերասանուհի Ալիսիա Սիլվերսթոունը նկարահանվել են Aerosmith-ի Crazy տեսահոլովակում:
Առավել մեծ ճանաչում Լիվ Թայլերը ձեռք բերեց՝ նկարահանվելով «Արմագեդոն» ֆիլմում, որտեղ նրա խաղընկերներն էին Բրյուս Ուիլիսն ու Բեն Աֆլեքը: Այնուհետեւ նա նկարահանվել է ոչ պակաս հայտնի «Մատանիների տիրակալը» ֆիլմում, որտեղ մարմնավորում է էլֆերի արքայադուստր Արվեն Ունդոմիելին:
NEWS.am STYLE-ն առաջարկում է շաբաթ երեկոն անցկացնել ֆիլմեր դիտելով: Ձեր ուշադրությանն ենք ներկայացնում Լիվ Թայլերի մասնակցությամբ 5 ֆիլմ, որոնք արժե դիտել հանգստյան օրերին:
«Արմագեդոն»
«Մատանիների տիրակալը»
«Աղջիկը՝ Ջերսիից»
«Օնեգին»
«Չքացող գեղեցկությունը»