Մանրամասներ Dior-ի տնից. Միլա Կունիսին փոխարինել է Ջենիֆեր Լոուրենսը

12:42   24 հոկտեմբերի, 2012

Մանրամասներ են բացահայտվել Dior-ի մոդայի տան դեմքը ներկայացնող Միլա Կունիսի եւ իրառաջնելույթով նրան փոխարինած Ջենիֆեր Լոուրենսի մասին։ Պարզվում է, որ վերջերս ամենասեքսուալ կին հայտարարված Միլա Կունիսն անասելի գիրացել է։

«Երբ ստորագրվում էր պայմանագիրը, դրանում հաշվի չի առնվել այն կետը, որ Միլա Կունիսը պետք է պահպանի իր քաշը։ Այժմ ընկերությոնը սաստիկ հիասթափված է նրա արտաքին տեսքից։ Իրավիճակը շտկելու համար Միլային նույնիսկ առաջարկել են հագուստ տրամադրել…», - հայտարարել է մոդայի տան ներկայացուցիչներից մեկը։

Պետք է նշել, որ վերջին ժամանակներս Միլայի ոչ միայն կազմվածը, այլև ողջ արտաքին տեսքը լավագույն մաղթանքների կարիք ունի. նա հագնվում է անփույթ եւ համարյա չի հետեւում իրեն, ինչը, բնականաբար, ոչ մի կերպ չի համապատասխանում Dior-ի իմիջին։

Կունիսի արտաքին տեսքը եւս մեկ անախորժության պատճառ է դարձել. դերասանուհին վիճել է իր սիրեցյալի՝ Էշտոն Կետչերի ետ։ Երիտասարդն ուղիղ նրա դեմքին է շպրտել, որ Միլան անպարկեշտ ձեւով լցվել է, ինչն էլ դարձել է սկանդալի սկիզբ։

Հիշեցնենք, որ Esquire ամսագրին տված հարցազրույցում, որը նրան մոլորակի ամենասեքսուալ կին է ճանաչել, Միլան հայտարարել էր. «Այն, ինչով ես զբաղվում են, եւ այն, ինչպիսին ես կամ իրականում, երկու տարբեր բաներ են։ Եվ այդպես կլինի միշտ։ Կան մարդիկ, որ մոռանում են, թե ով են իրենք։ Արդյունքում նրանք կամ դառնում են այնպիսին, ինչպիսին իրենք են ուզում, կամ էլ՝ այնպիսին, ինչպիսին իրենց մյուսներն են ուզում տեսնել»։



© NEWS.am STYLE