Լիբանանահայ երիտասարդի ամուսնության առաջարկությունը՝ օդանավում (տեսանյութ)
12:42 6 հուլիսի, 2017Բեյրութ-Երեւան թռիչքն իրականացնող օդանավում լիբանանահայ երիտասարդ Ջեք Սեպիլյանն ամուսնության առաջարկություն է արել իր ընկերուհուն՝ Սարին Այնեդջյանին։
Նախքան սիրելիի մատին մատանի դնելը, երիտասարդն օդանավաի ուղեւորներին իր կյանքից մի դրվագ է պատմել.
«Ուզում եմ մի բան պատմել ձեզ, որը տեղի է ունեցել երկու տարի առաջ։ Երկու տարի առաջ հայրս մահացավ Հայաստանում: Այդ ժամանակ Բեյրութ վերադառնալիս ես ծանոթացա մեկի հետ, ով փոխեց կյանքս՝ Սարինը։ Նրա հետ ծանոթանալուց հետո իսկապես ամեն բան փոխվեց իմ կյանքում՝ բիզնեսս զարգացավ, իմ վիճակը լավացավ... Երկու տարի անց` դարձյալ նույն ամսին, մենք գնում ենք Հայաստան՝ նշելու մեր ծանոթության երկու տարին, եւ հիմա ես ուզում եմ ասել՝ Սարին, ես սիրում եմ քեզ։ Կամուսնանա՞ս ինձ հետ»։
Աղջիկն, իհարկե, դրական է պատասխանել։