Հինգ նշան, որ չպետք է կորցնեք միմյանց

Հիշեք սպորտային թիմի մասին: Թիմի բոլոր անդամներն աշխատում են միասին եւ աներեւակայելի արդյունքների հասնում՝ համատեղելով իրենց ունակություններն ու փորձը: Սա իսկական ու երջանիկ հարաբերությունների առանձնահատկությունն է: Դուք միշտ միմյանց օգնության եք հասնում, լրացնում եք միմյանց: Ձեր թիմը շահում է խաղը:

2. Դուք վիճում եք

Ոչ հաճախ: Եվ ոչ կտրուկ: Բայց եթե դուք վիճում եք, դա վկայում է այն մասին, որ յուրաքանչյուրդ ձեր կարծիքն ունեք եւ պատրաստ եք պնդել: Դա լավ է: Եթե երկուսից մեկը մշտապես եւ ամեն ինչում համաձայնում է մյուսի հետ, դա կարող է նշանակել, որ նա թաքցնում է իր իրական զգացմունքները:

3. Դուք ամեն ինչում սատարում եք միմյանց

Կիսատ հարաբերությունների հասկացություն գոյություն չունի: Դուք կա՛մ հարաբերությունների մեջ եք, կա՛մ ոչ: Առողջ հարաբերություններում մարդիկ հավատարիմ են միմյանց եւ փոխհարաբերություններին: Սա նշանակում է, որ միասին անցնում եք կյանքի բոլոր փորձությունների միջով եւ ամեն ինչում սատարում եք միմյանց:

4. Դադարել եք թաքցնել ձեր թերությունները

Ոչ ոք կատարյալ չէ: Բայց եթե շարունակում ենք համառորեն ինչ-որ մեկին համոզել, որ մենք կատարյալ ենք, ուրեմն երբեք չենք կարողանա իսկապես հանգիստ զգալ այդ մարդու հետ, եւ երբեք նրան թույլ չենք տա մեզ իսկապես ճանաչել: Առողջ հարաբերություններում մարդիկ բաց են միմյանց առջեւ, նրանք գիտեն, որ սիրում են միմյանց՝ չնայած բոլոր թերություններին:

5. Դուք խոսում եք անկողնու մասին

Առողջ եւ երջանիկ հարաբերություններ կառուցելու համար պետք է բացահայտ խոսեք ամեն ինչի մասին, այդ թվում՝ սեքսի: Եթե ձեր կողքին իսկապես սիրող անձ է, ապա չեք ամաչի: Ամոթի բացակայությունը նշան է, որ վստահում եք ձեր կողքին գտնվողին:

Աղբյուրը՝ ladies-charm.ru