«Եթե ինչ-որ մեկը փորձի չարաշահել իմ լավ վերաբերմունքը, ես այլեւս նույն սիրալիր մարդը չեմ լինի»․ Թոմ Հենքսը դարձավ 61 տարեկան
12:08 9 հուլիսի, 2017Ամերիկացի հայտնի դերասան Թոմ Հենքսն այսօր՝ հուլիսի 9-ին, նշում է ծննդյան 61-ամյակը։ Հանրությանը նա հայտնի է իր տրագիկոմեդիկ կերպարներով։ Հենքսի մասնակցությամբ հայտնի ֆիլմերն են՝ «Ֆորեստ Գամփ», «Կապիտան Ֆիլիփս», «Արտաքսում», «Այն, ինչ դու անում ես», «Դա Վինչիի կոդը» եւ այլն։
Թոմ Հենքսը բազմիցս առաջադրված է եղել կինոաշխարհի ամենահեղինակավոր մրցանակաբաշխությունների անվանակարգերում, իսկ «Ֆիլադելֆիա» եւ «Ֆորեսթ Գամփ» ֆիլմերի համար արժանացել «Ոսկե Գլոբուս» եւ «Օսկար» մրցանակների։
Դերասանի հայտնի եւ անհայտ մտքերից մի քանիսը ներկայացնում ենք ձեր ուշադրությանը․
«Հերոս է այն մարդը, որն ինքնակամ պատրաստ է զոհել իրեն հանուն անհայտ մի բանի»։
«Եթե մի բան դժվար չի լինում, այն տրվում է բոլորին։ Դժվարությունը ստեղծում է հետաքրքրություն»։
«Երանի մարդ ապրեր այնքան, որքան ցանկանում է, ոչ թե ցանկանար ապրել»։
«Իմ կյանքում եղել է մի շրջան, երբ ինքս մտածել եմ՝ չլինի՞ ամբողջը կորցնելու եմ»։
«Եթե դու ծիծաղելի ես, եթե քեզ ամեն ինչ ծիծաղեցնում է, ուրեմն քո ապագան լավ է լինելու»։
«Կարծում եմ՝ ավելի լավ է քեզ հրաշալի զգաս, քան հրաշալի տեսք ունենաս»։
«Ես ավելի քան 20 ֆիլմ եմ ստեղծել, բայց դրանցից հինգն եմ միայն հավանում»։
«Ես այն եմ, ինչ կամ, եւ կարծում եմ, քիչ, թե շատ, լավ բնավորություն ունեմ, բայց եթե ինչ-որ մեկը փորձի չարաշահել իմ լավ վերաբերմունքը, ես այլեւս նույն սիրալիր մարդը չեմ լինի նրա համար»։
«Թատրոնն, ասես, մեր կյանքի մեծ գունապնակի գույներից մեկը լինի»։
«Ես չէի ցանկանա ապրել մի երկրում, որի ղեկավարը ես կլինեի»։