Ջեյ Զին խոստովանել է, որ դավաճանել է Բեյոնսեին

17:12   11 հուլիսի, 2017

Ի՞նչ է պատահել ժամանակին ցնցող ռեփերին։ Մի բան այն չէ նրա հետ։  Խոսքը Ջեյ Զիի մասին է։
Ռեփերի նոր՝ «4:44» ալբոմի փիարի շուրջ աշխատում են հնարավորին չափ, իսկ այժմ, ի աջակցություն ալբոմի, 11 րոպե տեւողությամբ տեսագրություն է համացնացում հրապարակվել, որտեղ Ջեյ Զին խոստովանում է, որ դավաճանել է կնոջը։

«Դա է իմ իրական կյանքը։ Եվ մի օր ես գտա այդ հիասքանչ վայրը։ Այստեղ է կառուցվել մեր հարաբերությունների գեղեցիկ ու մեծ տունը։ Բայց այն 100 տոկոսանոց ճշմարտության վրա չի կառուցվել, այդ պատճառով ճեղքվել է։ Որոշ բաներ հնարավոր չէ թաքցնել, դրանք տեսնում է հասարակությունը», - հայտարարել է 47-ամյա ռեփերը։

Ջեյ Զին խոստովանում է, որ աղաչում էր Բեյոնսեին իրեն երկրորդ հնարավորություն տալ, չհեռանալ իրենից։ Իսկ ամուսինների միջեւ վստահության վերականգնման շրջանը ամենածանր փորձությունն էր նրանց կյանքում։
«Այդ ժամանակ մենք պետք է ասեինք ինքներս մեզ՝ բավական է, ժամանակն է վերջն դնել սրան։ Պետք է մաքուր էջից սկսել։ Դա ամենադժվար բանն է, որը ես երբեւէ արել եմ իմ կյանքում», - նշել է ռեփերը։

Աղբյուրը՝ Daily Mail



© NEWS.am STYLE