Տղամարդիկ եւ կանայք սիրային հարաբերությունները տարբեր կերպ են ընկալում այն պատճառով, որ մեր եւ նրանց մոտ սիրո զգացումն ուղեղի տարբեր հատվածներ են ակտիվացնում: Տղամարդիկ աչքերով են սիրում: Այդ պատճառով նրանք մշտապես դիտում են կանանց, ուսումնասիրում, երեւակայում եւ այլն:
Իսկ կանայք այդ ընթացքում գնահատում են տղամարդու պոտենցիալը՝ որպես երկարաժամկետ զուգընկերոջ: Ամեն դեպքում՝ հարաբերությունների սկզբնական փուլում:
2. Տղամարդիկ սեքս են ուզում, կանայք՝ ռոմանտիկա
Տղամարդկանց համար սեռական հարաբերությունների ժամանակ կարեւորն ավարտն է: Նրանց համար կարեւոր չէ, արդյո՞ք այդ ժամանակ մոմեր են, վանիլի կամ հասմիկի հոտ է գալիս եւ ինչ կրծկալ ես հագել:
3. Տղամարդկանց դատում են փաթեթավորումից, կանանց՝ միջուկից
Որպես կանոն՝ կինը հիշում է, թե տղամարդն ինչ է ասել երեկ, երեք շաբաթ եւ երեք ամիս առաջ: Նա պետք է իմանա, թե տղամարդն ինչպես է վերաբերվում երեխաներին, արդյո՞ք բարի է, աառատաձեռն է: Կինը պետք է իմանա, թե տղամարդն ինչպես է շփվում մոր հետ, որտեղ է աշխատում, ինչով է զբաղվել անցյալում: Նա գնահատում է տղամարդու նյութական կարողությունը: Դրանից հետո միայն կինը կարող է որոշել, արդյո՞ք տղամարդը հարմար է իրեն՝ որպես մշտական զուգընկեր:
4. Տղամարդիկ կանանցից ավելի քիչ են ապրում
Ըստ վիճակագրության՝ տղամարդիկ կանանցից միջինը ութ տարի պակաս են ապրում: Ընդ որում՝ ուժեղ սեռի ներկայացուցիչները չեն սիրում հոգ տանել իրենց առողջության մասին: Շատերը կարծում են, որ դիետայի հետեւելը, բժշկի գնալը, ծխելը թողնելն ու ալկոհոլի մասին մոռանալը տղամարդավարի չէ:
5. Ամուսնացած տղամարդիկ երեխաներ են ուզում
Փորձագետները պնդում են, որ հիմնականում հարսանիքից հետո տղամարդիկ առաջինն են սկսում խոսել երեխաների մասին: Միանգամայն հիմնավորված նպատակ է. հարկավոր է շարունակել սերունդը: Միաժամանակ, հաճախ հենց երեխայի լույս աշխարհ գալն է հանգեցնում բազմաթիվ ընտանիքների քայքայման: Եվ չեն դիմանում հենց տղամարդիկ: Քանի որ նրանք սպասում են սիրունիկ փոքրիկի ծնվելուն, բայց նրա հետ գալիս են նաեւ անքուն գիշերները, սարսափելի ծախսերն ու կեղտոտ հագուստի սարերը:
6. Կանայք ավելի համբերատար եւ դիմացկուն են
Բազմաթիվ կանայք բարձր ջերմությամբ, կոկորդի ցավով եւ սարսափելի հոգնած շարունակում են աշխատանքի գնալ, այն էլ՝ հրաշալի հագուկապով: Քանի որ հիվանդության պատճառով հանգստի օրերի ժամանակ եւ գումար չկա: Իսկ եթե տղամարդու ջերմությունը 37.5 է, արդեն աղետ է:
Աղբյուրը՝ Ivona