Ալեքսա Չանգն ու Ալեքսանդր Սքարսգարդը բաժանվել են մոդել Թոնի Գարնի պատճառով
18:03 14 հուլիսի, 2017Բրիտանացի դիզայներ, մոդել եւ գրող Ալեքսա Չանգը բաժանվել է շվեդ դերասան Ալեքսանդր Սքարսգարդից՝ երկու տարի տեւած հարաբերություններից հետո։
Daily Mail-ը գրում է, որ պատճառը դերասանի եւ Լեոնարդո դի Կապրիոյի նախկին ընկերուհու՝ մոդել Թոնի Գարնի սիրային արկածն է եղել։
33-ամյա Ալեքսան եւ Ալեքսանդրը ծանոթացել են երկու տարի առաջ, սակայն իրենց հարաբերություններն առանձնապես քննարկման առարկա չեն դարձրել։ Վերջին անգամ նրանց միասին են տեսել անցյալ Met Gala-ում։
Պարզվել է, որ 40-ամյա դերասանը գաղտնի հանդիպել է Թոնիի հետ, իսկ հանդիպումները օգնել է կազմակերպել նրանց ընդհանուր ընկերը։
«Ալեքսանդրը գոհ չէր Ալեքսայի հետ իր հարաբերություններից։ Իսկ Թոնին տխուր էր, երբ Լեոն լքեց իրեն։ Երկուսն էլ ցանկանում էին հանդիպել։ Եվ նրանք ժամադրվել են», - ասել է աղբյուրը։