Քիմի դավաճանությունները, թմրանյութեր, սեքս, Քլոեի իսկական հայրը. Քլոե Քարդաշյանի նախկին ամուսինը՝ Քարդաշյան ընտանիքի մասին

10:04   20 հուլիսի, 2017

Սկանդալ է սպասվում։ Այն էլ ինչպիսի։ Քլոե Քարդաշյանի նախկին ամուսինը՝ Լամար Օդոմը, պատրաստվում է գիրք լույս ընծայել, որտեղ կբացահայտի Քարդաշյան-Ջեներ գերդաստանի գաղտնիքները, որոնց մասին լայն հասարակությանը ոչինչ հայտնի չէ։

Հրապարակման համար Լամարը 10 միլիոն դոլար կստանա։ Այս մասին InTouchWeekly-ն տված հարցազրույցում հայտարարել է նախկին բասկետբոլիստն ինքը։

«Շուտով իմ գիրքը լույս կընծայվի։ Այն ինքնակենսագրություն է։ Գիրքը կպատմի ամեն ինչի մասին։ Ես դրանում անկեղծորեն պատմել եմ այն ամենը, ինչ ինձ հետ տեղի է ունեցել անցյալում»,-նշել է Լամարը։

Աղբյուրները հայտնում են, որ գրքում կբացահայտվեն Քարդաշյան-Ջեներ գերդաստանի գաղտնիքները. ոչ միայն Լամարի, այլ Քարդաշյան քույրերի՝ թմրանյութ օգտագործելու, պլաստիկ վիրահատությունների, ինչպես նաեւ Քիմի եւ Քանյեի դավաճանությունների մասին։

«Լամարը գաղտնիքներ կպատմի, որոնց մասին նախկինում ոչ ոք երբեւէ չի խոսել։ Դավաճանություններ, սեքս, թմրանյութեր, կոկային, ալկոոհոլ։ Նա կորցնելու ոչինչ չունի։ Լամարը տեղյակ է Քարդաշյան գերդաստանում տեղի ունեցած շատ դրամատիկ իրադարձությունների մասին։ Այդ գիրքը պատմության մեջ կմտնի»,-նշել է աղբյուրը։

Նշենք, որ Լամարը պայմանագիր ունի E! ալիքի հետ, որը ստեղծում եւ ցուցադրում է Keeping Up With The Kardashians ռեալիթի շոուն։ Պայմանագրի համաձայն՝ նա իրավունք չունի բացահայտել Քարդաշյան ընտանիքի գաղտնիքները, բայց պայմանագիրն այս տարի կորցնում է ուժը։

«Լամարը մտադիր է պատմել, թե ինչպես է Քիմն օգտագործել տղամարդանց՝ փառքի հասնելու համար։ Քիմը շատ կեղտոտ գաղտնիքներ ունի։ Քիմն ու Քանյեն դավաճանել եւ դավաճանում են միմյանց։ Նրանք պայմանավորվածություն ունեն։

Լամարն անուններ կտա։ Նա Քիմին անվանում է «փողեր քերող մեքենա». որեւէ տեղ ներկայանալու համար Քիմը միշտ գումար է վերցնում։ Եվ, ամենացնցողը, Լամարը կհայտնի Քլոեի իսկական հոր անունը (ժամանակին լուրեր էին պտտվում, որ Քլոեի հայրը ամերիկացի նախկին ֆուտբոլիստ, ֆուտբոլի լեգենդ Օ Ջեյ Սիմփսոնն է)։

Քլոեն չի հավատում դրան, բայց նա ինքը չգիտի ճշմարտությունը եւ վախենում է հետաքրքրվել դրանով։ Կխոսվի նաեւ Քեյթլին Ջեների, ինպես նաեւ Քրիս Ջեների մասին, որը եւս սիրահարված էր Լամարին։ Նա կպատմի մարիխուանայից եւ թմրանյութերից Ռոբ Քարդաշյանի կախվածության մասին»,-ասել է աղբյուրը։



© NEWS.am STYLE